Maine Mendoza natawa nalang sa balitang idinawit siya sa kasinungalingan

MANILA, Philippines — Itinawag agad namin sa manager ni Maine Mendoza na si Rams David ang kumakalat na reklamo sa social media na hindi umano ay may naghihimutok na fan dahil pumila raw ng matagal ang nanay niya noong book launch ni Maine ng "Yup, I am that Girl", pero hindi pinirmahan ang libro nito.

It is a dream for someone who writes to have her own book. I have been writing since 2011, and while some of you may think that I am "just" a blogger, you must know that bloggers– writers in general– put so much of themselves into what they do. Writing is a passion. And I may not be a good writer but I enjoy and love expressing myself through the written word. I want to share my experiences and ideas with people; in the hope that I can make a difference in someone's life through my words. I want to inspire them the simplest way I could. And today might be just another day for some but not for me; today, another dream of mine will be fulfilled. I will be officially launching my book this afternoon and I couldn't be prouder of the fact that I wrote everything in it. You'll know some of my life's little adventures (and misadventures too!) #YupIAmThatGirl is an account of my life experiences and lessons, with pointers on the side, plus more info about me that you probably do not care about. Lol! I hope those who read my book will learn something from it, kung wala, ehhhhh.. sana meron! 😋 Ngayon palang nagpapasalamat na ako sa lahat ng bibili at shempre sa mga bumili na. And to the people who never fail to support me in everything I do, maraming salamat po! And to the Big Guy up there, thank you God, for giving me this chance to be one step closer to who I want to be. ❤ 

A post shared by Maine Mendoza (@mainedcm) on Oct 25, 2017 at 9:49pm PDT

Ang sistema raw, may number raw ito na pang-64, pero hindi raw tinawag at sinabing sa halip na dapat ay 300 books ang pipirmahan ni Maine, naging 40 books nalang.

Noong una pa lang namin itong nalaman, even before confirming Rams David, naniniwala na kami agad na hindi ito totoo.

Nag-stay kami sa Trinoma at kami mismo, nagtaka na magsasara na halos ang mall, pero ang dami pa rin ng tao sa Activity Center, may pa-games pa rin at yun nga, pumipirma pa rin ng libro si Maine Mendoza.


So, paanong 40 books lang ang pinirmahan nito? Eh, sa mga nakita pa lang namin, tantiya namin agad mahigit sa 300 books na ang pinirmahan nito.

Nakita pa namin nung ang handler ni Maine, habang nasa backstage pa ito at hindi pa tinatawag, kinukuha ang mga libro ng mga hindi halos nakapasok sa loob at pinipirmahan ni Maine sa backstage.

Nang tanungin nga namin si Rams David tungkol dito, mabilis na, "No, of course not! sa backstage pa lang, hindi pa siya nauupo sa harapan for the autograph signing, more than 300 copies na ang napirmahan niya."

Ayon dito, umabot daw ng thousands ang librong pinirmahan ni Maine Mendoza noong launching lang.

Tila hindi natiis ni Maine na hanggang 300 books lang talaga ang pipirmahan dahil overwhelmed nga ito sa nakitang mga taong madaling-araw pa lang, nandoon na at nag-aabang.

Kaya sabi nga niya, kung sila raw, nagawang pumunta sa Trinoma, ano raw ba naman yung pipirma lang siya.

Hindi na masagot ni Rams David kung ano ang totoo sa nagsasabing hindi napirmahan o hindi natawag ang numero ng nanay niya.

Kung totoo man daw siguro ito, malang ang pwede na lang makasagot sa pangyayaring ito ay ang Summit Media na nag-published ng libro o ang organizer ng event.